އިންސާނުންނާއި ޖަނަވާރުން މުވާޞަލާތުކުރުމުގައި ހުރި ތަފާތުތައް

އިންސާނުންނާއި ޖަނަވާރުން މުވާޞަލާތުކުރުމުގައި އެއްގޮތް ސިފަތަކެއް ހުރި ފަދައިން ތަފާތުތަކެއް ހުރިކަންވެސް ޤަބޫލުކުރަންޖެހެއެވެ. އަޑުލެއްވުމުގައެވެ. ޙަރަކާތްކުރުމުގައެވެ. ހަމައެހެންމެ މުވާޞަލާތު ކުރެވޭ މިންވަރާއި ކުރާމިންވަރުގައެވެ. އަދި އެފަދަ އަޑުތަކާއި ޙަރަކާތްތައް، ޒަމާނާއި ވަގުތު އަދި ޙާލަތާ ގުޅުވާލެވޭ ދަނޑިވަޅުތަކުގައެވެ.

އެންމެފުރަތަމަވެސް ޤަބޫލުކުރަންޖެހެނީ ޖަނަވާރުފަދަތަކެތި އަޑުލައްވައިގެންނާއި ޙަރަކާތުން އިންސާނުންފަދައިން މުވާޞަލާތު ކުރިނަމަވެސް ލިންގުއިސްޓުގެ ހަމަތަކަށް ބަލާއިރު އެއަށް ބަހޭ ނުކިޔޭކަމެވެ.

ތަފްޞީލު...

އިންސާނުންނާއި ޖަނަވާރު، މުވާޞަލާތުކުރުމުގައި ހުރި ބައެއް އެއްގޮތް ކަންތަތައް

ޖަނަވާރުން މުވާޞަލާތުކުރުމުގައި އިންސާނުންގެ މުވާޞަލާތުކުރުމާ އެއްގޮތްވާ މައިގަނޑު ސަބަބކީ އިންސާނުން ޖަނަވާރުންނަށް ދަސްކޮށްދޭ ހުނަރުކަމަށް ބައެއް ފަރާތްތަކުން ދެކެއެވެ. އެއީ، ގުރާ، މައިނާފަދަ ތަކެއްޗަށް އިންސާނުން ބުނެއުޅޭ ކުރު ލަފުޒު ބުނުމުގެ ޤާބިލުކަން ލިބިފައިވާތީ ހީވާ ހީވުމެއް ކަމަށް ވެދާނެއެވެ.  ބައެއް ބަހަވީ ޢިލަމްވެރިން(ލިންގުއިސްޓުން) މިކަމަށް ބުރަވެ ތަފާތު އެތަށް ވާހަކަތަކެއް ދައްކާފައިވެއެވެ.

ތަފްޞީލު...

ޕޮލައިޓްނަސް ތިއަރީ ނުވަތަ އަދަބު އިޙްތިރާމްގެ ޤަވާޢިދު

ޕޮލައިޓްނަސް ޕްރިންސިޕަލްގެ ދެވަނަ މެކްސީމް ( ފުރުޞަތު ދޭށެވެ.) އަށް ތަބަޢަވުމަށްޓަކައި އެދޭ އެދުމާއި ކުރާ އަމުރާއި އާދޭސް ފަދަ ސްޕީޗް އެކްޓްތައް ސުވާލެއްގެ ސިފައިގައި ޢިބާރާތްކުރެއެވެ. މިސާލަކަށް "ފެންފޮދެއް ގެނެސް ދީފާނަންތަ؟" މި ބުނުމަކީ 'ފެންފޮދެއް ގެނެސްދީބަލަ!' މި އަމުރު ސުވާލެއްގެ ގޮތުގައި ޢިބާރާތްކޮށްގެން ޕަރފޯމް ކޮށްފައިވާ ސްޕީޗްއެކްޓެކެވެ. މިގޮތަށް އަމުރު ސުވާލަކަށް ބަދަލުކުރުމުން އެކަންކޮށްދިނުމުގެ ފުރުޞަތުވެސް އަދި އެކަން ކޮށްނުދީ އެކަމަށް އިންކާރު ކުރުމުގެ ފުރުޞަތުވެސް އެ ބުނުން ރައްދުވާ ފަރާތަށް އެވަނީ ލިބިދީފައެވެ. މިގޮތުން އެފަރާތަށް ކުރަންޖެހޭ އަދަބު އިހްތިރާމް ކޮށްގެނެވެ.

ތަފްޞީލު...

ވާހަކަދެއްކުމުގެ ނިޢުމަތް

ބަހަކީ، އިންސާނުންނަށް ލިބިފައިވާ އަގުބޮޑު ނިޢުމަތެކެވެ. މުވާޞަލާތުކުރުމަށް ބޭނުންކުރާ ވަޞީލަތްތަކުން އެންމެ ބާރުގަދަ ވަޞީލަތްވެސް މެއެވެ. އިންސާނުންނާއި ހައިވާނުންގެ ފަރަޤު ވަކިކޮށްދިން އިންފާރުވެސް މެއެވެ. މި މަތިވެރި ނިޢުމަތުގެ ޙަޤީޤަތް ދެނެގަތުމަށް ބަހަވީ ޢިލްމުވެރިން (ލިންގުއިސްޓުން) ތަފާތު އެތައް ދިރާސާތަކެއްކޮށް ބަހުސްތައް އުފައްދަމުން ދެއެވެ. "ބަސް" އުފެދުނު ގޮތް ހޯދުމަށެވެ.  އެންމެ ފުރަތަމަ ވާހަކަދެއްކުމަށް ބޭނުންކުރި ބަސް ހޯދުމަށެވެ. ބަހުގެ މުހިންމު ސިފަތައް ދެނެގަތުމަށެވެ.

ތަފްޞީލު...

'ރާ' ގެ ޙުކުމް

"ރ" ގެ އަޑަކީ ދިވެހި ބަހުގައި ވަރަށް ގިނައިން އިވޭ، އަދި ވަރަށް ނުފޫޒުގަދަ އަޑެކެވެ. ދިވެހި ބަހުން ރަނގަޅަށް ވާހަކަދައްކާ އިރު، ވަންހަނާ ނުކޮށް، ސާބިތުކަމާ އެކު އަދާކުރެވޭ ގަދަ އަކުރުތަކު ތެރޭގައި މި އަކުރު ހިމެނެއެވެ. އަދި ދިވެހިބަހުން ވާހަކަދެއްކުމުގައި ނުކުޅެދުންތެރިކަމެއް ހުރި މީހަކަށް މިއީ ކިޔަން އުނދަގޫ އަކުރެކެވެ. އެގޮތުން އަލަށް ވާހަކަދައްކަން ފަށާ ކުޑަކުދީންނަށް ނުބައިކޮށް ކިޔޭ އެއް އަކުރަކީ މިއެވެ. ބޮޑު މީހަކު ކުޑަކުއްޖަކާ އެއްފަދައިން ޅަވެގެން ވާހަކަދައްކާ ނަމަ މި އަކުރު ލާމަކަށް ހަދާލައިގެން ކިޔައެވެ. މާނައަކީ ދިވެހި ބަހުން ރަނގަޅަށް މީހަކަށް ވާހަކަދައްކައި ގަނެވެން ފެށެނީ ރާ ގެ އަޑު ކިޔަންވާ ގޮތަށް ކިޔަން ފަށާ ހިސާބުންނެވެ. ވީމާ މިއީ ދިވެއްސެއްގެ ދޫ ބާލިޣްވެއްޖެކަމުގެ އެއް ޢަލާމާތެވެ.

ތަފްޞީލު...

މޯލު-ޑިވުސް

ސިޔާސީ ބައެއް ފަރާތްތަކުން، ބޭރުގެ ނުފޫޒު ދިވެހިންގެ ކަންކަމުގެ ތެރެއަށް ވައްދަން އުޅޭ އުޅުން، މިއީ ވަރަށް ހިތާމަހުރި ކަމެކެވެ. ދިވެހިރާއްޖޭގެ ކަންކަމުގައި ބޭރުގެ ފަރާތްތަކަށް ގޮތްކިޔުމުގެ ޙައްޤެއް ނެތޭ ދިވެހި ސަރުކާރުން ބުނިކަމުގައި ވިޔަސް، ޚުދު ސަރުކާރު ވެސް ދިވެހިންގެ ކަންކަމު ތެރެއަށް ބޭރު މީހުން ވައްދައެވެ. އަދި، އެހެންނަމަވެސް ސަރުކާރުން އެހެން ބުނީތީ، ނުވަތަ މައުމޫން އެހެން ވިދާޅުވީތީ، އަނެއްބަޔަކު ރާއްޖޭގެ ޚާރިޖީ ސިޔާސަތާއި މެދު ކަންބޮޑުވާކަން ފާޅުކޮށްފިއެވެ.

ތަފްޞީލު...

އަދަބީ ތަރިކަ ދިރުވުން ހުށި!

މި މައުޟޫޢުގެ މުހިއްމުކަމާއި އެކުވެސް، ކަމުގެ ބޮޑުކަން ހިތަށް އަރައި، ނިކަމެތި އަޅުގަނޑުގެ ވިސްނުމުގެ ކޮށިކަމާއި މި ފަހަރު މި ލިޔަން ޤަސްތުކުޅަ އުސްލޫބަށް އަޅުގަނޑު ނުފަރިތަކަމުގެ މައްޗަށް ސަހަރޯ ހީވެ، މިގޮތުގައި ހިމޭނުން އިނދެވޭތާ ދުވަސްގަނޑެއް ވުމަށް ފަހު، މާތް ދޭވަތާއިން އަޅުގެ ހިތް މިކަމަށް ޖައްސަވައި ތައުފީޤު ދެއްވައިފި ހިނދު، އެކަލާނގެ ކަށަކުޅަދުންވަންތަކަމާއި ރަޙްމަތްވަންތަކަން ހިތް މައްޗަށް ގެނެސް، އެކަލާނގެއަށް ޙަމްދާއި ޝުކުރު ކުރާ ޙާލު، މިކަމަށް އަޅު ފަށައިގަންނަމެވެ.

ތަފްޞީލު...

ޒިންމާދާރުވުމަށާއި އަމިއްލަވަންތަކަމަށް، ތިބާ ފަހެ ލޯތްބެއް ނުކުރައްވަމުތޯއެވެ؟

މިއީ، މަޢުލޫމާތު ބަދަލުކުރުމުގެ ރަން ޒަމާނެވެ. ތަފާތު ޥަޞީލަތްތައް މެދުވެރިކޮށް މަޢުލޫމާތު ފެތުރުމުގެ ދޮރު ހުޅުވިފައިވާއިރު، އެތައް ބަޔަކު ދަނީ، މިދެންނެވި ދޮރުން ލިޔުންތެރިކަމުގެ ތެރެއަށް ވަންނަމުންނެވެ. ނޫސް މަޖައްލާތަކަށް، ނުވަތަ އިންޓަނެޓް މަޖައްލާތަކަށް، ނުވަތަ ވެބްސައިޓްތަކަށް ލިޔަމުންނެވެ. ނުވަތަ އަމިއްލަ ބްލޮގްތައް ހަދައި، ލިޔުންތައް ޝާޢިއުކުރަމުންނެވެ. މިއީ ހަމަ ވަރަށް ރަނގަޅު ކަމެކެވެ. ތަނެއްގައި ލިޔުންތެރިކަން ކުރިއަރައި ދިޔުމަކީ، އެ ތަނެއް ތަހުޒީބުވާކަމުގެ އަލާމާތެކެވެ. ފިކުރީ އިންޤިލާބެއްގެ ފެށުމެވެ. ވިއަވަތި ޙަޟާރާތެއް ބިނާކުރުމަށް އެޅޭ ބިންގަލެވެ. އަރުތައަށް ލޯބިކުރާ ހުނަރުވެރި ފަންނުވެރީން އުފެދޭ ކަމުގެ ނިޝާނެކެވެ.

ތަފްޞީލު...

ފެހިފަހި މާދަމާއަކަށް !

ޤައުމުގެ ޙާލުގެ ދުލުން ދިވެހި އަބްޠާލުންނަށް ގޮވަމުންދާ އަޑު އަހަރުމެންނަށް އެބައިވެއެވެ. ޤައުމުގެ އުގަށް މާ ހޮވާފައި އަޅައިދޭން ވަޢުދުވީ ދަރީންތައް މިއަދު ކޮބައިހެއްޔެވެ؟ ހަށީގައި ފުރާނަ ހުރިހާ ހިނދަކު ޤައުމީ ޚިދުމަތުގައި ދެމިތިބެން ވަޢުދުވީ ޒުވާނުންތައް މިއަދުވީ ކޮންތާކު ހެއްޔެވެ؟

ދިވެހި ޤައުމަށްޓަކައި އަހަރުމެންނަށް މިއަދު އުފަލެއް ނުވެވެއެވެ. މިޤައުމު މޮޅީގެ ސާލެއް ލާފައިވާ ކަމުގެ އިޙްސާސް މިކުރެވެނީ ސަބަބެއްނެތި ހެއްޔެވެ؟ ތިބާގެ ހިތުގައި ހިތާމައިގެ މިޝުޢޫރުތައް ނުއުފެދޭ ހެއްޔެވެ؟

ތަފްޞީލު...

ދިވެހި އިނގިރޭސީން!

ހަނދާންވާ ގޮތުގައި އެއީ މިދިޔަ ނޮވެމްބަރު މަހުގެ ސާދަވަނަ ދުވަހެވެ. އެދުވަހު ހަވީރު އަޅުގަނޑު ގެއިން ނުކުތީ، ފާރޮށިގެއިން ޕާނެއް ގަންނާށެވެ. ދަންނަވަން މިއުޅެނީ، ދިވެހިރާއްޖޭގައި، ޕާން އަގު ބޮޑުވި ވާހަކައެއް ނޫނެވެ. ނަމަވެސް އެ ދުވަހު ޕާން ހިފައިގެން ފާރޮށިގެއިން ނުކުތްތަނުން ފެނުނު ފޮތިގަނޑުގެ ވާހަކައެވެ.

އަޅުގަނޑަށް ފެނުނީ، ވިލުނޫކުލައިގެ ފޮތިގަނޑެއް މަގުގެ ހުޅަނގު ކޮޅުން އިރުމައްޗަށް، އަޅުގަނޑާއި ދިމާއަށް، ހިނގާފައި އަންނަ މަންޒަރެވެ. މިދެންނެވި ފޮތިގަނޑުގައި އިނގިރޭސިބަހުން ލިޔެފައިހުރި ހުރިހާ އެއްޗެއް ކިޔަން

ތަފްޞީލު...

ޝުކުރިޔާ ޢިއްޒަތްތެރި މެންބަރު..!

ރޭ ޓީވީން ދެއްކި ރައްޔިތުން މަޖިލީހު ޖަލްސާގައި އަޅުގަނޑަށް ވަރަށް ޚާއްޞަ ކަމެއް ފާހަގަވިއެވެ. އެއީ، ޤާނޫނު އަސާސީގައި އެ ބޭފުޅުން އިޞްލާޙުތަކެއް ގެންނަވަން އެ އުޅުއްވާ މާއްދާއެއް، ނުވަތަ މާދާތަކެއްގައި، ހިމެނުނު ޢަރަބި ބަހެއްގެ ބަދަލުގައި، ދިވެހި ބަހެއް އެތަނަށް ލުމަށް، އެއްފަހަރަށް ވުރެ ގިނަ ފަހަރު ޢިއްޒަތްތެރި ކޮންމެސް މެންބަރަކު ތެދުވެވަޑައިގެން އިޞްލާޙު ހުށަހެޅުއްވިކަމެވެ.

ޢިއްޒަތްތެރި އެ ބޭފުޅާ އިޝާރާތްކުރެއްވީ ''ތަޚްޞީސްކުރުން'' މި ލަފްޒަށެވެ. ޢިއްޒަތްތެރި މެންބަރަށް އައްސަރިބަހުން ސާބަހެވެ. ދިވެހި ބަހަށް ތިޔަ ބަހައްޓަވާ ޚާއްޞަ ލޯތްބަށް ހިތުގެ ޢުމުޤުން ޝުކުރުގެ ޖިޒީތައް ބަރުތީލަކުރަމެވެ.

ތަފްޞީލު...

ބަސް އިސްތިޢުމާރު ކުރުމަކީ އެބައެއްގެ ދީނާއި ޘަޤާފަތު އިސްތިޢުމާރު ކުރުން.

ޔުނިވަރސިޓީގެ ލެކްޗަރާއެއް ކަމުގައިވާ އަލްއުސްތާޛުއްދަކްތޫރު ޢަބްދުލްމުންޢިމު އަޙްމަދު ޔޫނުސް، 01 މާރޗް 2007 ގައި ދެއްވާފައިވާ ލެކްޗަރެއްގެ ޚުލާޞާ އެކެވެ. މިލެކްޗަރ އޭނާ ދެއްވާފައިވަނީ އަޒްހަރުގައި ކުރިޔަށްގެންދާ އިސްލާމީ ޤައުމުތަކުގެ އިމާމުންނާއި، ވާޢިޡުންނާއި، ޚަޠީބުން ތާޒާކުރުމުގެ ގޮތުން ބާއްވަމުން ގެންދާ ކޯހުގެ 76 ވަނަ ބުރުގެ ބައިވެރިންނަށް ދެއްވެވި ލެކްޗަރެކެވެ. އޭނާއަކީ ޢަރަބިބަހުގެ ޢިލްމުވެރިއެކެވެ.

ތަފްޞީލު...