އ ބ ތ ޘ ޖ ޙ ޚ ދ ޛ ރ ޒ ސ ޝ ޞ ޟ ޠ ޡ ޢ ޣ ފ ޤ ކ ލ މ ނ ހ ވ ޔ
ޢާއިދް : އެނބުރި އަންނަމީހާ / ތައުބާވާމީހާ / ބަލިމީހާއަށް ޒިޔާރަތްކުރާ މީހާ
ޢާއިޟް : ގެއްލުން ފޫބައްދަން އެއްޗެއް ދޭމީހާ
ޢާއިޝް: / ދިރުން / ޙަޔާތް / ރަނގަޅު ފަސޭހަ ދިރިއުޅުމެއް އުޅޭ މީހާ
ޢާބިދް : އަޅުކަންކުރާމީހާ
ޢާބިދީން : ޢާބިދުގެ ގިނަގޮތް
ޢާބިރް : ހުރަސްކުރާމީހާ / ދަތުރުވެރިޔާ
ޢާތިކް : ދީލަތި / ސާފު، އެހެންއެއްވެސް އެއްޗަކާއި އެއްނުވާ
ޢާޖިލް : އަވަސް / ވަގުތުއައުމުގެ ކުރިން
ޢާދިލް : ޢަދްލުވެރިޔާ
ޢާދީ : އާދައިގެ
ޢާރިފް : އެނގޭމީހާ / ދަންނަ މީހާ
ޢާރިމް : ވަރުގަދަ / ގަދަފަދަ
ޢާޒިމް : ޢަޒްމު ކަނޑައަޅާ މީހާ ނުވަތަ ކަނޑައަޅައިގެން ހުންނަ މީހާ
ޢާޝިރް : އެކުގައިއުޅުން / ބައިވެރި / ދިހަވަނަ
ޢާޝޫރް : ޢާޝޫރާ ދުވަހަށް ނިސްބަތްކޮށް ( މުޙައްރަމް 10)
ޢާޞިފް : ލަނޑުދަނޑިން ކައްސާލާފައިވާ / ގަދަވައި
ޢާޞިމް : ރައްކާތެރިކުރާ މީހާ / ނުބައިކަންތަކާއި ފާފަތަކުން ދުރުވެ ހުންނަ މީހާ / ވެރިރަށް
ޢާޠިފް : އޯގާތެރި / ކުލުނުބަހައްޓާ މީހާ
ޢާފީ : މަޢާފަށް އެދޭމީހާ / ސަލާމަތުން ހުރި
ޢާޤިލް : ބުއްދިވެރިޔާ
ޢާކިފް : އިޢްތިކާފަށް އިންނަ މީހާ / ކަމަކުން މަނާވެގަންނަ މީހާ
ޢާލިމް : ޢިލްމުވެރިޔާ / އެނގޭ މީހާ
ޢާލީ : އުސް / މަތި
ޢާމިރް : ތަނެއްގައި ދިރިއުޅޭ މީހާ / ބިނާކުރާ މީހާ / ޢުމުރުދިގު މީހާ އަޅުކަންކުރާ މީހާ
ޢައްބާސް : އެހެން ސިންގާތައް ބިރުގަންނަ ސިންގާ / ގިނައިން މޫނުހަދާ މީހާ
ޢައްބާދް : ގިނައިން އަޅުކަންކުރާ މީހާ
ޢަބްދު : އަޅު
ޢަބްދޫން : ގިނަ އަޅުން
ޢުބައިދް : ޢަބްދުގެ ކުޑަގޮތް
ޢަބްދުލްބާސިޠް : ﷲގެ އަޅާ (އަލްބާސިޠް : އަޅުތަކުންނަށް ރިޒްޤު ތަނަވަސްކޮށްދެއްވާ ރަސްކަލާނގެ)
ޢަބްދުލްބާރީ : ﷲގެ އަޅާ (އަލްބާރީ : ހައްދަވާބޮޑުކުރެއްވި ރަސްކަލާނގެ)
ޢަބްދުއްތައްވާބު : ﷲގެ އަޅާ (އައްތައްވާބު : ގިނަގިނައިން ތައުބާ ޤަބޫލުކުރައްވާ ރަސްކަލާނގެ)
ޢަބްދުލްޖަލީލް : ﷲގެ އަޅާ (އަލްޖަލީލް : މަތިވެރިވަންތަ މާތްރަސްކަލާނގެ)
ޢަބްދުލްޙަލީމް : ﷲގެ އަޅާ (އަލްޙަލީމް : ޙިލްމުވެރިވަންތަ މާތްރަސްކަލާނގެ ޙިލްމުވެރިކަމަކީ ރުޅި
އިސްނުކުރުން. ނުވަތަ ރުޅި ހިފަހައްޓައި މާފު ކުރުން)
ޢަބްދުލް ޚާލިޤް : ﷲގެ އަޅާ (އަލްޚާލިޤް : ހުރިހާ އެއްޗެއް އުފެއްދެވި މާތްރަސްކަލާނގެ)
ޢަބްދުއްރަޙްމާން : ﷲގެ އަޅާ (އައްރަޙްމާން : ރަޙްމަތް ލައްވާ މާތްރަސްކަލާނގެ)
ޢަބްދުއްރަޙީމް : ﷲގެ އަޅާ (އައްރަޙީމް : ރަޙުމްވަންތަ، މާތްރަސްކަލާނގެ)
ޢަބްދުއްރައޫފް : ﷲގެ އަޅާ (އައްރައޫފް: އޯގާވަންތަ މާތްރަސްކަލާނގެ )
ޢަބްދުއްސައްތާރް : ﷲގެ އަޅާ ( އައްސައްތާރް : އަޅުތަކުންގެ ފާފަތަކާއި އުނިސިފަތައް ފޮރުއްވަވާ މާތްރަސްކަލާނގެ)
ޢަބްދުއްސަމީޢް : ﷲގެ އަޅާ (އައްސަމީޢް : ހުރިހާ އެއްޗެއް އަޑުއައްސަވާ، ނަފްސުތަކުގައިވާ ކަންތައްތައްވެސް ދެނެވޮޑިގަންނަވާ ރަސްކަލާނގެ)
ޢަބްދުއްޞަމަދު : ﷲގެ އަޅާ (އައްޞަމަދު: ހުރިހާ މަޚްލޫޤުން އެ ކަލާނގެއަށް ބޭނުން ޖެހޭ، ނަމަވަސް އެކަލާނގެ ރަސްކަންފުޅަށް އެއްވެސް މަޚްލޫޤަކަށް ބޭނުންވެވޮޑިނުގަންނަވާ)
ޢަބްދުލްޢަޒީޒް : ﷲގެ އަޅާ (އަލްޢަޒީޒް : ހުރިހާއެއްޗެއްގެ މައްޗަށް ބާރުހިންގަވާ، ހުރިހާ އެއްޗަކަށްވުރެ ގަދަފަދަ ރަސްކަލާނގެ)
ޢަބްދުލްޣަނީ : ﷲގެ އަޅާ (އަލްޣަނީ : އެހެން އެއްވެސް އެއްޗަކަށް، ފަރާތަކަށް ބޭނުންވެވޮޑިގެންނުވާ ރަސްކަލާނގެ)
ޢަބްދުލްކަރީމް : ﷲގެ އަޅާ (އަލްކަރީމް : ދީލަތިވަންތަ މާތްރަސްކަލާނގެ)
ޢަބްދުﷲ : ﷲގެ އަޅާ
ޢަބްދުލްހާދީ : ﷲގެ އަޅާ (އަލްހާދީ : ތެދުމަގު ދައްކަވާ މާތްރަސްކަލާނގެ)
ޢަތީޤް : ބޯދާ / ދީލަތި
ޢަތީކް : ގަދަހޫނު / ދީލަތި
ޢުޘްމާން : ދޫނީގެ ވައްތަރެއް / ހަރުފަ / ޅަ ހަރުފަ
ޢަދްނާން : ތަނެއްގައި ވަޒަންވެރިވެގެން އުޅޭ މީހާ
ޢަދްލީ : ޢަދްލުވެރި
ޢަޖޫޒް : ވާރެއިން ބަރުވެފައިވާ ވިލާ
ޢަދާން : ކަނޑުގެ އައްސޭރި
ޢުދައްޔު : ޢަދުއްވުންނާއި ދެކޮޅަށް އެއްމެފުރަތަމަ ހަތިޔާރު އުފުލާ މީހާ
ޢަދީލް : : އެއްޗަކާ ނުވަތަ މީހަކާ އެއްފަދަ / އެއްގޮތް
ޢިރްފާން : ކޮށްދީފައިވާ ހެޔޮކަން / ދީފައިވާ އެތި
ޢަރަފާތު : މައްކާ ކައިރީގައިވާ ފަރުބަދައެއް
ޢަރްނާން : ތިރިބިން / ހަމަހަމަ ތަނަވަސްބިން
ޢިރްނީން : ޝަރަފުވެރިޔާ / ކޮންމެ އެއްޗެއްގެވެސް އެއްމެ ފުރަތަމަ
ޢިރްނާސް : ކޮތަރު ކަހަލަ ދޫންޏެއް
ޢުރްވާ : އަގުބޮޑުއެއްޗެއް / ސިންގާ / ރައްކާތެރިވާން ހިފަހައްޓާ އެއްޗެއް ނުވަތަ ކަމެއް
ޢަރީން : ސިންގާގެ ގެ / ފެންޑާ / ޢިއްޒަތް
ޢަރީފް : ދަންނަ މީހާ
ޢައްޒާމް : ވަރުގަދަ / ޢަޒްމުގަދަ / ސިންގާ
ޢަޒީޒް : ވަރުގަދަ / ބަލިނުކުރެވޭ / ޤަދަރުވެރި / ނާދިރު
ޢައްޒާއު : ބޯވާރޭ
ޢިއްޒަތު : ޢިއްޒަތް
ޢަޠިއްޔާ : ހަދިޔާ / ދެވޭ އެއްޗެއް
ޢިއްޒުއްދީން : ދީނުގެ ވަރުގަދަކަން (މާނައަކީ އެ މީހެއްގެ ފުށުން ދީނަށް ބާރާއި ނަސްރު ލިބިދޭ މީހާ)
ޢަޒްމީ : ޢަޒްމު ހުރި / ބާރު ހުރި
ޢަޒޫމް : ޢަޒްމުގައި ދެމިހުންނަމީހާ
ޢަޒޫފް : ކަމަކުން ދުރުވެގެން ހުންނަ މީހާ
ޢަސޫލް : ސަނާކިޔޭފަދަ ރަނގަޅު ޢަމަލުކުރާމީހާ
ޢިޞާމް : ޢަހުދު / ރައްކާތެރިކުރުން / އެއްޗެހި އައްސަން ބޭނުން ކުރާ ވާފަށް
ޢިޞްމަތު : މަނާވެ ރައްކާތެރިވެގަތުން / ނުބައިކަންތަކުން ދުރުވެ ރައްކާތެރިވުން
ޢުޞްފޫރް : ފެންފޯއް ދޫނި
ޢަޞީމް : ޝަރަފުވެރި،ޤަދަރުވެރި
ޢަޠާ : އެއްޗެއްދިނުން / ދެވޭ އެއްޗެއް
ޢަޠާﷲ : ﷲ ދެއްވި އެއްޗެއް ނުވަތަ ދީލަތިފުޅުކަން (ކުއްޖަކަށް މި ނަން ކިއުމުން މާނައަކީ އެ ކުއްޖާއަކީ
މާތް ﷲ ދެއްވި ނިޢްމަތެކޭ)
ޢުޠާރިދް : އިރާއިއެއްމެކައިރި ޕްލެނެޓް
ޢަޠޫފް : ބޮޑަށް އޯގާތެރި
ޢިޠްފާން : ބޮޑަށް އޯގާބަހައްޓާ މީހާ
ޢަޠްވާން : ގިނަގިނައިން ދޭމީހާ / ގިނައިން ހޭދަކުރާ މީހާ
ޢައްފާން : ކޮންމެ ހަޑިހުތުރުކަމަކުން ދުރުހެލިވެ ހުންނަމީހާ
ޢަފީފް : ޢިއްފަތްތެރި / ހަޑިހުތުރުކަންކަމުން ދުރުހެލިވެ ހުންނަމީހާ
ޢަޤީލް : ބުއްދިވެރިޔާ/ ބައެއްގެ ތެރެއިން އެއްމެ އިސްކޮށްހުންނަ މީހާ / އެއްޗެއްގެތެރެއިން އެންމެ ރަނގަޅު އެއްޗެހި
ޢުކާޝް : ފިރިހެން ފައިދިގުމަކުނު
ޢަކްނާން : ބަނޑާއިދިމާއިން ފަލަ މީހާ
ޢަލާ(އ) : މަތިވެރިކަން / ޝަރަފުވެރިކަން
ޢައްލާމް : ޢިލްމުވެރިކަން ބޮޑު މީހާ
ޢަލްޔާން : ބޮޑު ދިގުމީހާ / އުސް
ޢާލީ : މަތީ / ޝަރަފުވެރި / ދަރަޖަމަތިވެރި
ޢަލީ : ޝަރަފުވެރި / ޤަދަރުވެރި / މާތް އަޚްލާޤުގެ ވެރި / ވަރުގަދަ / އުސް
ޢުލްވާން : ދަރަޖަ މަތިވެރި / އުސް
ޢިމާދް : ތަނބު / ވެރިޔާ
ޢިމާދުއްދީން : ދީނުގެ ތަނބު (މާނައަކީ އޭނާއަކީ ދީން ދިފާޢުކޮށް ދީނުގެ ތަނބެއްފަދަ މީހެކޭ)
ޢައްމާރް : ނަމާދުކުރުމާއި ރޯދަހިފުން ގިނަ މީހާ
އީމާންކަންވަރުގަދަ / މަޑުމައިތިރި އަޅުވެރިޔާ
ޢިމްރާން : ތަމައްދުން / މަރިޔަމްގެފާނުގެ ބައްޕާފުޅު
ޢަމްރު : ޙަޔާތުގެ މުއްދަތު
ޢުމައިރް : ޢުމަރުގެ ކުޑަގޮތް
ޢުމަރް : ޢުމުރު ދިގުމީހާ / މުސްލިމުންގެ ދެވަނަ ޚަލީފާ ޢުމަރް ބިން ޚައްޠާބުގެ ނަންފުޅު
ޢަމޫރް : ޢުމުރު ދިގުމީހާ
ޢަމީރް : މުދަލާއި ފައިސާ ގިނަ މީހާ /
ޢައިލަމް : ފެންގިނަ ވަޅު / ބިމުއަޑީގައިވާ ފެން
ޢަނާން : ކުރިމަތިން ފެންނަ އެއްޗެއް / ވިލާ
ޢަންބަރް : މާވަހަރު
ޢަންތަރް : ހަނގުރާމައިގައި ހިތްވަރުގަދަ ގަދަފަދަ މީހާ /ނޫކުލައިގެ މާބުރެއް
ޢަންނާން : ކުރިއަރައިދާމީހާ
ޢަންދަލީބް : ބުލްބުލް
ޢުވައިސް : ރޭގަނޑު ހިނގާ މީހާ / ދަރިންނަށް ކާންދޭން ބުރަމަސައްކަތްކުރާ މީހާ
ޢައުފް : މެހުމާން / ސިންގާ / ހާލު (ހާލު އަހުވާލޭ ބުނާ އިރު އޮންނަ ހާލު) / ނަސީބު / މީރުވަސް ދުވާ ގަހެއް
ޢައުން : އެހީ
ޢިޔާޟް : ހޭދަކުރުން ގިނަ / ބަދަލު
ޢިޔާޛް : ރައްކާތެރިކަން ހޯދަން ދެވޭ ފަރާތް
ޢިޔާން : ޝައްކެއް ނެތް ގޮތުގައި ލޮލަށް ފެނުން
ޢިކްރިމާ : އަންހެން ކޮތަރު
ޢައްޔާޝް : ޢުމުރުދިގު މީހާ / ރޮށި ވިއްކާ މީހާ
ޢައްޠާރް : އަތަރު ވިއްކާ މީހާ / ގިނައިން އަތަރު ލާ މީހާ
ޢީސާ : ޢީސާގެފާނަށް ނިސްބަތްކޮށް
ޢީދް : އުފާ / ޢީދު
